Contas?...moitas..

 

 

 

 

CRONICAS TAMAGANAS. Contas?...Moitas… 

 

Miña cara señora María: Andan a falar de contas nos partidos como se fose algo raro, cando o normal é que o pago dos afiliados estén en contas normalizadas e fiscalizadas pola institución correspondente.

 Pero falando de contas hai que recordar o que aconteceu no ano 2010. Naquel ano aconteceu a loita política máis encarnizada, na historia da democracia hispánica, na provincia de Ourense. Aínda hoxe está a dar  os seus coletazos no Pazo de Xustiza. –Caso Baltar: contratos na Deputación.

 Pois ben, naquel ano os partidarios do candidato ourensán ingresaron as súas cuotas nunha entidade, no concello de Oimbra. Os partidadrio do candidato verinés pagaron en man e algún despistado ingresou a súa cuota, na conta que está aberta nunha entidade bancaria, na vila de Verín, que aínda sigue con DNI dunha persoa particular.- Estes afiliados deben ser personais-. pertencen ao partido a través do voto de  “ZAMORA”, que daquela tamén había que pagar. –Cousas da vida ou da vila...-.

 -Os afiliados pertencen a un individuo-.

 Esta conta bancaria verinesa debe ser para despistar. Poucos pagos se poden facer con ela. Hai afiliados que nunca foron chamados a unha reunión para dar contas, incumplindo o mandato dos estatutos. Tampouco teñen a forza necesaria, obrigado polos estatutos, para que se convoquen, porque, non existe unha vía definida en defensa das minorías. A isto chámanlle democracia: -aniquilar ao contrario-. -Tapar as verdades-.-Logo veñen estes lodos: -“os bárcenas”.

 Hai que destacar un asunto que debe ter a súa seriedade, en canto a números contables. Nas hemerotecas consta o número de afiliados do concello de Verín, pódese afirmar que o número que aparece nos xornais foi sempre duns dous mil. Como referencia de que isto é así son o número de representantes que se elixen por Verín, para participar nos congresos provinciais e autonómicos. Isto a Verín dalle forza para atallar privilexios persoais.

 Facendo contas é moi fácil acertar os ingresos que deberían aparecer nesa conta. Ano 2013: 2000 afiliados multiplicados por 24  euros o total é: 48000 euros. Deberíase comprobar se aparecen eses cartos con esa cantidade, antes da presente data: 6-5-2013. e así todos os anos desa conta, que por certo cambiou de acompañante, pasou de home a muller, na titularidade conxunta.

  Xeralmente os afiliados non están ao día no pago das súas cuotas. Isto favorece aos que mandan, porque así pódense elixir os representantes máis afíns para levar o voto seguro e vendelo ben vendido. Como son moitos delegados polos “ dous mil afiliados” teñen boa vendeta.

 Pode ocorrer que se convoquen a unha xuntanza, para non dicir nada..., e logo rematar cunha cea onde se empeza a preguntar quen a paga. Se son poucos non pasa nada, pero se son moitos xa vos debedes imaxinar con que cartos se paga. Cos que non se ingresaron debidamente no seu lugar para ser controlados.

 Págana os afiliados que non ingresaron os cartos debidamente na conta bancaria. Personalmente eles non pagan nada, nin saben que seus cartos foron para iso.

 A conta non pasa de doce mil euros, para escapar a todo tipo de control. Os afiliados non piden contas. –Todo sen control?.

  “O bárcenas” faccionaba os donativos para aparecer legais. Aquí, só non ingresan. A pregunta é moi sinxela: de onde saen os cartos para pagar a campaña das eleccións?.

   Sempre hai unha resposta.......

 

 

                                   Verín 6-5-2013.-

 

                                   Adolfo Rolán.